Museo Naval 2014

Hoxe fomos a Ferrol visitar o Museo Naval. Aínda que xa o vimos o curso pasado, gustounos moito igualmente.
A visita comezou nunha sala onde vimos dous Mascaróns de Proa, (Neptuno e un León)

unha vitrina chea de moedas de prata utilizadas nos séculos XV-XVI

 e distintos tipos de torpedos e minas submariñas

Asombrounos bastante un carro de bombeiros a vapor tirado por cabalos, inventado por unha compañía inglesa, que utilizaba a auga do mar

Tamén vimos unhas cabezas de hélices súper grandes.........

e como quedou o casco dun barco despois de recibir unha bomba de ETA no País Vasco

Explicáronnos como se utilizaban distintos tipos de armas a bordo dos barcos.

Estes son CHUZOS e son, precisamente, a causa da expresión que todos nós coñecemos "choven chuzos de punta".









Vimos tamén unhas máquinas dende onde se daban,por exemplo,  ordes de disparar os torpedos

e un disco duro de 10MB do ano 1967, mirade que grande era

Tivemos moita sorte!!!!!! Hoxe era o primeiro día que expoñían ao público as maquetas das tres carabelas que Colón utilizou cando descubriu América.

Tamén estreaban unha sala onde estaban os mobles orixinais do camarote do Capitán do Canarias

Esta é unha cubertería de prata que se utilizaba en ocasions especiais














Ademais de ver diferentes tipos de brúxulas, sextantes, compás de tres brazos, cronómetros, etc,

vimos unha corda chea de nós(entre eles había unha distancia de 15 metros e pico) enrolada que nun extremo tiña unha especie de triángulo de madeira e un reloxo de area.

Pois ben botaban ao mar este aparello de madeira e poñían o reloxo de area en marcha. Cando a area (que tardaba 30 segundos) pasaba ao outro lado, recollían o aparello e contaban cantos nós se soltaran ao mar. De aí ben a medida da velocidade dos barcos en "nudos".


Por último vimos unha ESPINGARDA que foi a primeira arma de fogo que houbo

e a silla na que se sentaba Franco para pescar no seu iate Azor

Ao final sacamos esta foto co mascarón de proa do iate citado anteriormente